إنتي كسبتي يا "هالة"

إنتي كسبتي يا "هالة"

رغم اننا مادخلناش في رهان

لكن ..

إنتي كسبتي

(محتاج لصديق)

كلمة وخطرت على بالي

وانا فايت في ليالي القاهرة وحديا

واتذكرت "جاهين":

                   (مصر النسيم في الليالي وبياعين الفل

                    ومراية بهتانة ع القهوة أزورها واطل)

.....

فاكرة يا "هالة" قصيدتك

- ولا قصيدتي ماتفرقشي –

(واحشاني – "وسام" لساه بيدور

على أصحابه الورق)؟

.....

كل الفرق ان انتي كسبتي

وانا فعلا دلوقتي

محتاج لصديق.

ليل القاهرة في 9 يونيو 2002