ياريشة العصفور محتاج لتحنينك
على سلمين بنور يحلالي تلوينك
طالع معاكي النور واديا في يمينك
*
الكرسي الهزاز
والكنبة الفرداني
وملامح "سارة"
، الشمعة
، الهوا
والشباك المكسور
...
يا "اسكندر"
فايتينهالك
نبض القلب شواشي
وملح وجرح رصاص بمخدر
"سارة" هاتمشي
وبرضه الظابط
والعربيات الميري
***
1942
"إسكندرية" قصيدة مش هادية
عرق بالابيض والاسود
من كل دين وصنف
/ جهّز رصاص الحياة
وسجاير الموتى
واركب ترام يوصل
ما بين "الرمل" وأوربا
***
هي الحرب كدة
بتهدم عيال وبيوت
وتحط أوزارها
مكان ما تختار
هي الحرب ... كدة.
مارس 2001
* مستوحاة من فيلم (اسكندرية كمان وكمان)
تعليقات بلوجر
تعليقات فيس بوك