ماعْرفش
ليه لما باطلب قهوة في "جروبي"
باحس
انها معمولة مخصوص علشاني
وإن
الراجل بيجيب لي بن اتعمل سنة 1891
من
النوع المخصوص
اللي
كان بيشربه "جاكومو"* شخصيا
على
فكرة ...
دايما
باطلبها مظبوطة
ساعات
بيجيبوهالي زيادة
وساعات
زيادة قوي
، وبتخلص بسرعة
باشربها
في الصالة مش عشان التكييف
لكن
عشان متهيألي إني كل مرة
هالاقي
ناس جايين من الأربعينات
لابسين
الاسموكنج والفساتين السواريه
بيتكلموا
بهمس
وبيبتسموا
طول الوقت
واشوف
في عنيهم قد ايه القاهرة واسعة
ونضيفة
وهواها
يرد الروح
لأ
.. وجديدة كمان
وفجأة
افوق وانا مبتسم
الاقي
عم "ابراهيم فضل"
.. أقدم موظفين "جروبي"..
بيقوللي
:
(وسام انت سرحت تاني؟)
...........................................
*جاكومو جروبي – السويسري الذي
أسس جروبي أشهر مقاهي القاهرة في أواخر القرن 19
وسام
الدويك
القاهرة
في
29 أغسطس – 9 سبتمبر 2014
تعليقات بلوجر
تعليقات فيس بوك